तारा बरालको ज्यान जोगाउन बालुवाटारमा हारगुहार

अभियन्ताको नाममा केही महिनादेखि चर्चामा रहेकी तारा बरालको जीवन रक्षाको निम्ति प्रधानमन्त्री शेरबहादुर देउवासमक्ष ज्ञापनपत्र बुझाउन लागिएको छ ।

आमरण अनशन बसेकी ताराको जीवन जोगाइदिन आग्रहसहित विभिन्न अभियन्ताले आज ज्ञापनपत्र बुझाउन लागेका हुन् । उनीहरुले साढे ११ बजे ज्ञापनपत्र बोकेर त्यता जाने बताएका छन् ।

बराल आमरण बसेपछि उपचारको निम्ति अघिल्लो साता वीर अस्पताल लगिएको छ । उनी त्यहिँ अनसन बसेपछि जीवन रक्षाको निम्ति अरुले आग्रह गरेका हुन् ।

गत मंसिरमा पनि प्रधानन्यायाधीश चोलेन्द्रसमशेर राणाको समर्थनमा कानुन व्यवसायीहरुलाई कारबाहीको माग गर्दै आमरण बसेकी थिइन् । वीर अस्पतालको आईसीयुमा सरकारी प्रतिनिधिहरुसँग सहमति पछि अनसन तोडेकी हुन् ।