अर्थमन्त्रीको हिजोको दाबी राष्ट्र बैंकद्वारा झुठो साबित
मुलुकको अर्थतन्त्र सामान्य अवस्थामा रहेको अर्थमन्त्री जनार्दन शर्माको दाबीविपरित नेपाल राष्ट्र बैंकले अर्थतन्त्रका प्रायः सबै सूचकहरू नकारात्मक रहेको विवरण सार्वजनिक गरेको छ ।
अर्थमन्त्रीले बाहिर चर्चा गरेजस्तो अर्थतन्त्र अप्ठेरोमा नपरेको दाबी गरेको २४ घण्टा नबित्दै केन्द्रीय बैंकले त्यसविपरितको विवरण सार्वजनिक गरेको हो ।
चालु आर्थिक वर्ष २०७८/७९ को फागुन मसान्तसम्म सरकारको चालु खाता ४ खर्ब ६२ अर्ब ९३ करोडले घाटामा रहेको विवरण राष्ट्र बैंकले सार्वजनिक गरेको छ । अघिल्लो वर्षको सोही अवधिमा चालु खाता १ खर्ब ५१ अर्ब ४२ करोडले घाटामा थियो ।
“अमेरिकी डलरमा अघिल्लो वर्षको सोही अवधिमा ५६ करोड ५८ लाखले बचतमा रहेको शोधनान्तर स्थिति यो वर्षको फागुनसम्म आइपुग्दा २ अर्ब १७ करोडले घाटामा रहेको छ ।”
अमेरिकी डलरमा अघिल्लो वर्षको सोही अवधिमा १ अर्ब ३० करोडले घाटा रहेको चालु खाता यो वर्ष फागुनसम्म ३ अर्ब ८८ करोडले घाटामा छ ।
फागुन महिनासम्ममा पुँजीगत ट्रान्सफर ४१ दशमलव २ प्रतिशतले कम भएर ७ अर्ब कायम भएको राष्ट्र बैंकले जनाएको छ । सोही अवधिमा खुद प्रत्यक्ष वैदेशिक लगानी ६० प्रतिशतले बृध्दि भई १६ अर्ब ३० करोड पुगेको छ । अघिल्लो वर्षको सोही अवधिमा पुँजीगत ट्रान्सफर ११ अर्ब ९१ करोड र खुद प्रत्यक्ष वैदेशिक लगानी १० अर्ब १८ करोड रहेको थियो ।
राष्ट्र बैंकका अनुसार २०७८ फागुनसम्ममा शोधनान्तर स्थिति २ र्ख ५८ अर्ब ६४ करोडले घाटामा रहेको छ । अघिल्लो वर्षको उक्त अवधिमा शोधनान्तर स्थिति ६८ अर्ब १ करोडले बचतमा थियो ।
अमेरिकी डलरमा अघिल्लो वर्षको सोही अवधिमा ५६ करोड ५८ लाखले बचतमा रहेको शोधनान्तर स्थिति यो वर्षको फागुनसम्म आइपुग्दा २ अर्ब १७ करोडले घाटामा रहेको छ ।
टिप्पणीहरू