दुबोको माला लगाएर मनोनयन दर्ता
स्थानीय तहको निर्वाचनमा उम्मेदवार हुन मनोनयन दर्ताको निम्ति निर्वाचन अधिकृतको कार्यालयमा जाँदा हिजो मुख्य दलका नेता तथा उम्मेदवारहरुले बाजागाजा,जुलुस लिएर गए । कतिपयले निर्वाचन नै जितेझैँ पहिले नै गलाभरि माला लगाएको पनि देखियो ।
कसै कसैले दुबोको मालामाथि खादालाई सिलाएर लगाए । मुख्यगरी नेपाली काँग्रेस र एमालेका उम्मेदवारले धेरै ठाउँमा त्यस्ता कार्य गरेको देखिन आएको हो ।
एमालेका उम्मेदवार धादिङमा पञ्चेबाजासहित समर्थक लिएर निर्वाचन कार्यालय गएका थिए भने काठमाडौंमा ठूलै जुलुस निकालिएको थियो । नेपाली काँग्रेसले ललितपुरमा त्यस्तै गरेको थियो ।
उता काभ्रेपलाञ्चोकमा एमालेका उम्मेदवारहरु गलाभरि सयपत्रीको र दुबोको माला लगाएर निर्वाचन नै जितेझैँ निर्वाचन अधिकृतको कार्यालयमा पुगेका हुन् ।
काभ्रेको रोशी गाउँपालिका र पाँचखाल तथा नमोबुध्द नगरपालिकामा उम्मेदवारी दर्ता गर्न गएका अधिकांश एमाले उम्मेदवारले माला, खादा र दुबोको माला पहिरिएका थिए ।
टिप्पणीहरू