सत्तारुढ दलको गठबन्धन आफूले नबुझेको राजेन्द्र महतोको दावी
लोकतान्त्रिक समाजवादी पार्टी नेपालका नेता राजेन्द्र महतोले निर्वाचनकै मजाक हुनेगरी सत्तारुढ दलहरुले चुनावी गठबन्धन गरेको टिप्पणी गरेका छन् । आज काठमाडौंमा स्थानीय तह निर्वाचनको घोषणापत्र सार्वजनिक कार्यक्रममा सञ्चारकर्मीहरुले राखेका जिज्ञासाको जवाफ दिँदै महतोले उक्त कुरा बताएका हुन् ।
‘सत्तारुढ दलले गठबन्धन गरेर चुनावमा जाँदा जनताले कुन पार्टी भनेर बुझ्ने ?,’ उनको जिज्ञासा थियो । ‘सत्ता पक्षका पार्टीहरुले जुन गठबन्धन गरेका छन्, त्यो कुन पार्टीको मान्यता हो ? कुन पार्टीको मत भनेर जनताले बुझ्ने हो ? देश र दुनियाँले के बुझ्ने हो ?,’ उनको प्रश्नै प्रश्न हो यो ।
नेता महतोले निर्वाचनमा जनताले पार्टीलाई मत दिने भए पनि सत्तारुढ दलहरुले गठबन्धनको नाममा चुनाव लडेर गल्ती गरेको बताएका छन् । देश र दुनियाँले नबुझ्ने गरी सत्ता पक्षका दलहरुले गठबन्धन बनाएर चुनावमा गएकोमा नेता महतोले आफूले समेत नबुझेको उल्लेख गरेका हुन् ।
टिप्पणीहरू