कम्बोडियामा १२ औं शताब्दीका पुरातात्विक महत्वका सम्पदा भेटियो

पुरातत्वविद्हरूले उत्खनन्को क्रममा उत्तरपश्चिम कम्बोडियाको सियामरिप प्रान्तको अंकोर पुरातात्विक पार्कमा १२ औं शताब्दी पुरानो ढुंगामा कोरिएका आकृतिहरु फेला पारेका छन् । अंकोर थोम मन्दिरको ताकाभ गेटको उत्तरी पर्खालमा ती महत्वपूर्ण पुरातात्विक सम्पदाहरु भेटिएको हो ।

सियामरिप अप्सरा राष्ट्रिय प्राधिकरण (एएनए) का अनुसार भेटिएका पुरातात्विक सम्पदामा अप्सरा वा परीको आकृति कुँदिएको छ ।

पुरातत्वविद् किम सेङ फिकडेको भनाई उद्धृत गर्दै चिनियाँ समाचार संस्था सिन्ह्वाले लेखेको छ, ‘परीको आकृति कुँदिएको ढुंगाका टुक्रा र अन्य मूर्तिहरू ताकाभ गेटको उत्तरी पर्खालको रूपमा प्रयोग गरिएको रहेछ । ती सबै बायोन मन्दिरको खम्बामा कुँदिएको अप्सराको आकृतिसँग मिल्दोजुल्दो देखिन्छ ।’

फिकडे भन्छिन्, ‘१२ औं शताब्दीको उत्तराद्र्धमा ताकाभ गेट र बायोन मन्दिर एउटै समयमा निर्माण गरिएको हुनसक्छ, त्यसैले यी आकृतिहरुमा समानता पाइएको हो । यहाँ अरु धेरै देवीदेवताका मूर्तिहरु छन्, जुन उत्तरतर्फ पुरिएको अनुमान गरिएको छ । तिनलाई पनि अर्को चरणमा उत्खनन् गरिँदा निकालेर पुनस्र्थापित गर्नेछौं ।’

ताकाभ गेट अंगकोर थोमका पाँचवटा ढोकामध्ये एक हो । यो १२ औं शताब्दीको उत्तराद्र्धमा राजा जयवर्मन सातौंले बनाएको बताइन्छ ।

अंगकोर थोम, ४०१ वर्ग किलोमिटरमा फैलिएको कम्बोडियाको एउटा प्रमुख पुरातात्विक पार्कमा अवस्थित मुख्य मन्दिर हो । सन् १९९२ मा युनेस्कोले विश्व सम्पदा सूचीमा सूचीकृत गरेका छ ।

स्रोतः सिन्ह्वा