गोकुल बाँस्कोटाको आँगनमा माधव नेपालका मेयर निर्वाचित
एमाले नेता तथा अध्यक्ष केपी शर्मा ओलीका अति विश्वासपात्र गोकुल बाँस्कोटाको गृहपालिकामा नेकपा एकीकृत समाजवादीका उम्मेदवारले मेयर जितेका छन् ।
काभ्रेपलाञ्चोक जिल्लाका अधिकांश पालिकामा एमालेले पराजय भोग्ने क्रममा बाँस्कोटाको गृहनगर मण्डन देउपुर नगरपालिका पनि गुमेको हो । उक्त नगरमा एकीकृत समाजवादीका टोकबहादुर वाइवा निर्वाचित भएका छन् ।
उनले एमालेका विदुरप्रसाद सापकोटालाई पराजित गरेका हुन् । वाइवाले आठ हजार ५८ मत ल्याउँदा सापकोटाको छ हजार ८६२ आएको छ ।
कूल मतदाता २८ हजार ५३१ रहेको उक्त नगरपालिकामा पुरुष मतदाता १४ हजार ६४५ र महिला १३ हजार ८८६ जना छन् ।
ट्रेन्डिङ पोस्ट
टिप्पणीहरू