देउवाले रिट फिर्ता लिए भने वकिलहरु ‘पेण्डुलम’ हुने
चुनावी टिकट भागबण्डामा सहमति गरेर भोलि बिहानै उम्मेदवारी मनोनयनमा जान तयार भएपछि नेपाली कांग्रेस सभापति शेरबहादुर देउवा र कार्यवाहक सभापति पूर्णबहादुर खड्काले विशेष महाधिवेशन अवैध रहेको दावी गर्दै दायर गरेको रिटको भविष्यमाथि प्रश्न उठेको छ ।
देउवा–खड्का पक्षले गगन खेमालाई मान्यता दिने निर्वाचन आयोगको निर्णय खारेज माग गर्दै हिजो सर्वोच्च अदालतमा रिट दायर गरेका थिए ।
तर विशेष महाधिवेशनबाट नवनिर्वाचित सभापति गगनकुमार थापा र देउवा पक्षबीच आज एक भएर चुनावमा जाने सहमति भएपछि उक्त रिट औचित्यहीन बन्न पुगेको छ । भोलि १६५ वटै निर्वाचन क्षेत्रमा मनोनयन दर्ता हुँदैछ ।
रिटमा निर्वाचन आयोग,विशेष महाधिवेशनबाट सभापति बनेका गगन थापा, उपसभापति विश्वप्रकाश शर्मा तथा विशेष महाधिवेशनपछि बनेको कांग्रेस केन्द्रीय कार्यसमितिका विरुद्ध अन्तरिम आदेशको माग गरिएको छ । प्रमुख निर्वाचन आयुक्तको पद रिक्त रहेका बेला निर्वाचन आयोगले न्यायिक अधिकार प्रयोग गर्न नसक्ने दाबीसमेत रिटमा गरिएको छ ।
गगन इतर समूहले एकातिर चुनाव रोक्न सर्वोच्चमा मुद्दा हाल्ने र अर्कोतिर विशेष महाधिवशेन पक्षधरसँग मिलेर चुनावमा जाने तयारी गर्नु द्वैध चरित्र भएको टिप्पणी गरेका छन् ।
गगन इतर समूहले एकातिर चुनाव रोक्न सर्वोच्चमा मुद्दा हाल्ने र अर्कोतिर विशेष महाधिवशेन पक्षधरसँग मिलेर चुनावमा जाने तयारी गर्नु द्वैध चरित्र भएको टिप्पणी गरेका छन् ।
देउवा पक्षले १४औँ महाधिवेशनबाट निर्वाचित केन्द्रीय सभापति भएकाले आगामी वैशाखका लागि तय नियमित महाधिवेशन नभएसम्म पार्टी नेतृत्व आफूहरूमै रहने दाबी गर्दै आएको थियो । उक्त रिटमा कारण देखाऊ आदेशसम्म जारी गरेर थन्क्याउन सकिने देउवा–खड्का निकट एक कानुन व्यवसायीले बताएका छन् ।
भन्छन्, ‘तर आफैँ मिलेर हामीलाई पेन्डुलम बनाउने काम भयो । रिटको प्रतिरक्षामा बहस गर्न जाऊँ कि नजाऊँ भन्ने अवस्था उत्पन्न भएको छ । रिट नै फिर्ता लिने कि भन्ने कुरा पनि छ, नत्र शो–कज भएर पेन्डिङमा जान सक्छ ।’
टिप्पणीहरू