नेपाल इन्भेष्टमेण्ट बैंकद्वारा १० नेपाली आरोहीहरूलाई १० लाख नगदसहित सम्मान

नेपाल इन्भेष्टमेण्ट बैंक लिमिटेड (एनआईबीएल)ले केटु हिमाल आरोही नेपाली टोलीलाई सम्मान गरेको छ। निर्मल पूर्जाको नेतृत्वमा १० नेपाली आरोहीहरूको टोलीले हिउँदमा विश्वको दोस्रो उच्च हिमाल केटुको शिखरमा पुग्ने पहिलो स्थानमा नयाँ विश्व कीर्तिमान स्थापित गरेका थिए।

‘क्रूरता हिमाल’ उपनाम दिएको केटुलाई विजयको लागि सबैभन्दा कठोर हिमालको रूपमा मानिन्छ र जाडोमा लगभग असम्भव मानिन्छ। नेपाली आरोहीहरूले त्यो उपलब्धि गत माघ ३ गते शनिबार स्थानीय समय साँझ ५ बजे हासिल गरे।

सीएसआर रणनीति अनुरूप, बैंकका अध्यक्ष पृथ्वी बहादुर पाँडे, बोर्डका सदस्यहरू र वरिष्ठ व्यवस्थापकहरूले १० नेपाली आरोहीहरूको सम्मानमा आयोजना गरेको कार्यक्रममा आरोहीहरूलाई १० लाखको चेक प्रदान गरे । बैंकले नेपाललाई गौरवान्वित तुल्याउने टोलीलाई धन्यवाद दिनुका साथै अध्यक्ष पाँडेले यस सम्मानले शानदार विजयहरूका लागि प्रेरणाको रूपमा काम गर्ने आशा पनि व्यक्त गरे।

पाँच पटकसम्म फाइनान्सियल टाइम्सबाट ‘बैंक अफ द ईयर’ अवार्ड पाइसकेको यस बैंक अन्तर्राष्ट्रिय प्रकाशन– युरोमनीबाट अनुकरणीय सेवा र व्यवसायका लागि ‘बेस्ट बैंक २०१८’ युरोमनी अवार्डबाट समेत पुरस्कृत भइसकेको छ। यसबाहेक, इक्रा नेपाल (अन्तर्राष्ट्रिय क्रेडिट रेटिङ एजेन्सी नेपाल) ले बैंकलाई ‘ए’ वर्गको क्रेडिट रेटिङ दिएको छ।

नेपाल इन्भेष्टमेण्ट बैंकले ८३ शाखा, १२८ एटीएम, २० एक्सटेन्सन काउन्टरहरू, १० राजस्व संकलन काउन्टरहरू र ५९ शाखारहित बैंकिङ काउन्टरहरूमार्फत् आफ्ना ग्राहकहरूलाई सेवा पुर्यााउँदै आएको छ।