कहाँबाट आउँछ यति धेरै पैसा बोकी हिंड्नलाई ?

प्रहरीले महोत्तरीमा स्रोत नखुलेको ५५ लाख नगदसहित दुई जनालाई पक्रेको छ । औरही नगरपालिका-१ औरहीस्थित सडकबाट आज नगदसहित प्रहरीले उनीहरुलाई समातेको हो ।

पक्राउपर्नेमा सोही नगरपालिका-२ बस्ने २१ वर्षीय धिरज कुमार यादव र अर्का एक १८ वर्षीय किशोर छन् । प्रहरी कार्यालय गौशालाबाट खटिएको प्रहरीले ज.९ प ८२४७ नम्बरको मोटरसाइकललाई चेकजाँच गर्ने क्रममा उक्त नगद बरामद गरेको हो ।

सथै उनीहरुको साथमा विभिन्न बैंकका ५३ थान चेक पनि फेला परेको प्रहरीले जनाएको छ । प्रहरीका अनुसार उनीहरुलाई आवश्यक कारबाहीको लागि भन्सार कार्यालय जलेश्वर पठाइएको छ ।