पलेशा गोवर्द्धनको भव्य स्वागत, बाजागाजासहित नगर परिक्रमा गराईंदै

पेरिस पारालिम्पिक्सको तेक्वान्दोमा काँस्य पदक विजेता पलेशा गोवर्द्धनको त्रिभुवन अन्तर्राष्ट्रिय विमानस्थलमा भव्य स्वागत गरिएको छ ।

पेरिसबाट दुबई हुँदै फ्लाई दुबईको उडान नम्बर एफजेड ११३३ मा बिहान सवा ८ बजे काठमाडौं आइपुगेकी उनलाई युवा तथा खेलकुदमन्त्री तेजुलाल चौधरीले स्वागत गर्नुभएको छ । 

पारा तेक्वान्दो प्रशिक्षक कविराज नेगी लामासहित चार सदस्यीय टोली पनि पदक विजेता पलेशासँगै आएका छन् ।

खेलाडी तथा प्रशिक्षकको स्वागतमा विमानस्थल बाहिर ठूलो संख्यामा खेलाडी तथा सर्वसाधारणको उपस्थिति थियो । गोवद्र्धनलाई विमानस्थलबाट बाजागाजाका साथ गौशाला, पुरानो बानेश्वर, मैतीदेवी, डिल्लीबजार, बागबजार, भद्रकाली, शहिदगेट, त्रिपुरेश्वर हुँदै राष्ट्रिय खेलकुद परिषद्सम्म पुर्याईंदै छ ।