पहिरो पन्छाउन गएका इञ्जिनियर झन्डै पुरिए
चितवनको नारायणगढ–मुग्लिङ सडकखण्डअन्तर्गत नाम्सी पुलमा खसेको पहिरो हटाउने क्रममा एक इन्जिनियर घाइते भएका छन् ।
सडक डिभिजन, भरतपुरका सिनियर इन्जिनियर राजु मगरलाई पहिरो हटाउने क्रममा चोट लागेको हो ।
हिजो राति भएको वर्षाका कारण नाम्सी पुलमा पहिरो खसेको थियो । सो पहिरो पन्छाउन गएका उनीमाथि ढुंगा खसेको डिभिजनले जनाएको छ । घाइते उनको उपचार भइरहेको छ ।
सो सडकखण्डअन्तर्गत कालिखोला, टोपेखोला, नाम्सीखोला, चिसेन्जीखोला र सिमलताल क्षेत्रमा पहिरो जाने जोखिम उच्च रहेको जानकारी दिँदै डिभिजनले ती स्थानबाट यात्रा नगर्न आग्रह गरेको छ ।
टिप्पणीहरू