शंकर पोखरेललाई जोगाउनेहरु आफैं जोगिन अदालतमा,आज पेशी

पार्टी निर्णय विपरित तत्कालीन मुख्यमन्त्री शंकर पोखरेललाई भोट हालेर सांसद पद गुमाएका जनता समाजवादी पार्टी (जसपा) का तीन संसदको रिट आज पेशीमा चढेको छ । आफूलाई पदमुक्त गर्ने पार्टी निर्णयविरुध्द विजयबहादुर यादवद्वारा सर्वोच्चमा दायर रिटमाथि आज सुनुवाई तोकिएको हो ।

न्यायाधीशद्वय प्रकाशमानसिंह राउत र डा. कुमार चुडालको संयुक्त इजलासमा सुनुवाइका लागि पेसी तोकिएको छ ।

१५ साउनमा उनीहरु पदमुक्त भएका थिए । जसपा लुम्बिनी प्रदेश संसदीय दलले पार्टी निर्णयविपरीत तत्कालीन मुख्यमन्त्री पोखरेल नेतृत्वको सरकारमा सहभागी भएको भन्दै कारबाही गरेको थियो । कारबाहीपछि पदमुक्त गर्न प्रदेश संसद् सचिवालयलाई पत्राचार गरेको थियो । सोहीअनुसार उनीहरु पदमुक्त भए । पदमुक्त गर्ने प्रदेश संसद् सचिवालय लुम्बिनीको कदमविरुध्द यादवले १७ साउनमा रिट दर्ता गराएका थिए । रिटमा उनले आफ्नो पदबहालीको माग गरेका छन् ।

यसअघि रिटको प्रारम्भिक सुनुवाइ गर्दै २५ साउनमा न्यायाधीश ईश्वरप्रसाद खतिवडाको इजलासले लुम्बिनी प्रदेश संसद् सचिवालयको नाममा कारण देखाऊ आदेश जारी गरेको थियो । चैत ७ गते भने न्यायाधीशद्वय हरिकृष्ण कार्की र डा. कुमार चुडालको संयुक्त इजलासले पूर्ण सुनुवाइमा पठाउने निर्णय गरेको थियो ।

यादवसँगै तत्कालीन जसपाका सांसदहरू सन्तोषकुमार पाण्डेय र कल्पना पाण्डेय पनि पोखरेल नेतृत्वको सरकारमा सहभागी भएर सरकार जोगाइदिएका थिए ।