निर्माण व्यवसायी संघको नवनिर्वाचित पदाधिकारीद्धारा पदभार ग्रहण

निर्माण व्यवसायीहरुको पेशागत संगठन नेपाल निर्माण व्यवसायी संघ, सिराहाको जिल्ला कार्यसमितिमा निर्वाचित पदाधिकारीहरुले आज पदभार ग्रहण गरेका छन् । 

आज लहानमा आयोजित एक कार्यक्रममार्फत उनीहरुले कार्यभार सम्हालेका हुन् । संघको पुस ७ गते भएको जिल्ला कार्यसमितिको निर्वाचनबाट अजयबहादुर राउतकाे  अध्यक्षतामा नयाँ कार्यसमिति चुनिएको थियो ।

 कार्यसमितिको उपाध्यक्षमा अमरनाथ साह, प्रथमलाल चौधरी र महासचिवमा कमलप्रसाद यादव छन् । त्यस्तै, सचिवमा अजय जयसवाल, कोषाध्यक्षमा सुरजकुमार ढकाल, सहकोषाध्यक्षमा कृष्णप्रताप सिंह, सदस्यहरुमा प्रदिपकुमार यादव, बिन्दुकुमारी यादव, मन्टुन चौधरी, सन्तोषकुमार साह, फुलगेन सिंह र प्रमोदकुमार सिंह निर्वाचित भएका छन् ।