अबको १० वर्षपछि राज्यले वृद्ध भत्ता दिन नसक्ने मन्त्रीको दाबी

स्वास्थ्य तथा जनसंख्यामन्त्री प्रदीप पौडेलले अबको १० वर्षपछि सरकारले वृद्ध भत्ता दिन नसक्ने बताएका छन् ।

गणेशमान सिंह मेमोरियल हस्पिटल एण्ड रिसर्च सेन्टरले आज ललितपुरमा आयोजना गरेको कार्यक्रममा बोल्दै उनले भत्ता बाँड्ने भन्दा रोग लाग्ने नदिनेतर्फ ध्यान दिनुपर्नेमा जोड दिए । अबको २० वर्षभित्र ५० वर्ष माथिको जनसंख्या बढ्ने दाबी गर्दै उनले त्यो अवस्थामा राज्यले वृद्धभत्ता दिन नसक्ने बताए ।

 समाजमा अहिले को मान्छे बिरामी हुन्छ र सुविधाका बारेमा बोल्न पाइन्छ भनेर पर्खिएजस्तो देखिने गरेको भन्दै मन्त्री पौडेलले उपचारात्मक भन्दा निरोधात्मक पद्धतिमा चासो राख्न आग्रह गरे । 

'यसरी नै जाने हो भने नेपालमा २० वर्षभित्र ५० वर्षभन्दा माथिको संख्या बढी हुन्छ । त्यो एक्टिभ पनि हुन सक्दैन, त्यो निरोगी पनि हुन सक्दैन । अब मलाई कति साथीले यस्तो कुरा नबोल्न भन्छन्, अब १० वर्षपछि राज्यले वृद्धभत्ता दिनै सक्दैन । त्यसैले मान्छेलाई रोग लाग्न नदिने कुरामा हामीले केही गर्न जरुरी छ', उनले भने ।

मन्त्री पौडेलले अस्पतालहरुले स्वास्थ्य चेतना विस्तार गर्न आवश्यक रहेकोमा पनि जोड दिएका छन्