थापा छाड्नेहरु लिङ्देनबाट केन्द्रीय सदस्यमा पदोन्नत

राजेन्द्र लिङ्देन नेतृत्वको राप्रपाको आज बसेको केन्द्रीय समिति बैठकले कमल थापा नेतृत्वको राप्रपा नेपाल छाडेर आएकासहित ४९ जनालाई केन्द्रीय सदस्यमा मनोनीत गरेको छ । उद्धव पौडेल र चन्द्रबहादुर गुरुङलाई केन्द्रीय सदस्य मनोनीत गरिएको हो ।

राजधानीमा आजबाट शुरु केन्द्रीय समिति बैठकमा मनोनीत केन्द्रीय सदस्यहरूलाई अध्यक्ष लिङ्देनले शपथ खुवाएका छन् । अन्य मनोनीतहरूमा तोरणबहादुर गुरुङ,दीपकबहादुर सिंह,शरद गौचन,रामचन्द्र राय,राजाराम श्रेष्ठ, अजय थापा,सम्झना चौधरीलगायत ४९ जना रहेको बताइन्छ ।

बैठकमा प्रत्यक्ष निर्वाचित प्रधानमन्त्री र पूर्ण समानुपातिक निर्वाचन प्रणालीबारे छलफल हुन लागेको छ । उता राजेन्द्रको साथ छाड्नेलाई पनि कमल थापाले केन्द्रीय नेतृत्वमा विभिन्न जिम्मेवारी दिने तयारी गरेका छन् ।