प्रधानमन्त्रीसँग दक्षिण कोरियाली राष्ट्रपतिका विशेष दूतको भेट

प्रधानमन्त्री पुष्पकमल दाहाल प्रचण्डसँग दक्षिण कोरियाली राष्ट्रपतिका विशेष दूतले शिष्टाचार भेटवार्ता गरेका छन् । विशेष दूत सुङ मिन जङले प्रधानमन्त्रीसँग उहाँको सरकारी निवास बालुवाटारमा भेट गरेका हुन् ।

उहाँहरुबीच बिहान साढे ८ बजेदेखि भेटवार्ता भएको हो । दक्षिण कोरियाका सरकारी र सामसुङ कम्पनीका गरी झण्डै डेढ दर्जनको संख्यामा उच्चस्तरीय टोली अस्ति नेपाल भ्रमणमा आएको हो । 

नेपाल भ्रमण पूरा गरेर टोली आज दिउँसो बंगलादेशको राजधानी ढाका प्रस्थान गर्ने कार्यक्रम छ ।