सशस्त्रको बाहिनीपति कप खेलकुद सम्पन्न, नम्बर १९ बगलामुखी गण प्रथम

सशस्त्र प्रहरी बलको पशुपतिनाथ बाहिनी मुख्यालय काठमाडौंमा सञ्चालित ‘बाहिनीपति कप २०७९’ का विभिन्न खेलकुद प्रतियोगिता सम्पन्न भएको छ । चैत्र १९ गतेदेखि सञ्चालित प्रतियोगितामा नम्बर १९ बगलामुखी विशेष कार्यदल गण प्रथम भएको छ ।

नम्बर २१ गण दक्षिणकाली द्वितीय र नम्बर २० विपद् उद्धार गण तृतीय भएको बताइएको छ । प्रतियोगितामा दौड, फुटबल, भलिबल र व्याडमिन्टन खेलहरु समावेश थिए ।

सशस्त्र प्रहरी नायव महानिरीक्षक पुरुषोत्तम थापाको प्रमुख आतिथ्यमा सम्पन्न प्रतियोगिताका विजयी टिम र खेलाडीहरुलाई नायव महानिरीक्षक थापाले ट्रफी, मेडल र प्रमाणपत्र प्रदान गर्नुभएको हो । समापन कार्यक्रममा चन्द्रागिरि नगरपालिकाका नगरप्रमुख, वडा नम्बर ११ र १२ का वडअध्यक्ष लगायत बाहिनी मातहत सशस्त्र प्रहरी बल नेपालका अधिकृत तथा बिल्लादार जवानहरुको उपस्थिति रहेको जानकारी दिइएको छ ।