प्रभु साहका कार्यकर्ताद्वारा राष्ट्र बैंक घेराउ, प्रदेश बन्दको चेतावनी

प्रभु साह नेतृत्वको आम जनता पार्टी (आजपा) को मधेश प्रदेश कमिटीले जनकपुरधाममा विरोध प्रदर्शन गरेको छ । बैंक तथा सहकारीको चर्को ब्याज असुलीविरुद्ध आजपा आज विरोध प्रदर्शनमा उत्रिएको हो । 

बैंक तथा वित्तिय संस्थाको मनोमानी ब्याज फिर्ता लिन माग गर्दै प्रदर्शनकारीहरुले जनकपुरस्थित नेपाल राष्ट्र बैंकको प्रादेशिक कार्यालय घेराउ गरेका हुन् ।

उनीहरुले ‘बैंकहरुले लिने गरेको मनोमानी ब्याज फिर्ता गर,’ ‘लघुवित्त र सहकारीहरुको सम्पूर्ण ऋण मिनाहा गर,’ ‘किसानहरुलाई सहुलियतपूर्ण कर्जा उपलब्ध गर,’ लगायत प्लेकार्ड बोकेर चर्को नाराबाजी गरेका हुन् ।

उक्त पार्टीका महासचिव उपेन्द्र साहले माग पूरा नभएमा मधेश प्रदेश बन्द गर्ने चेतावनी दिएका छन् ।