प्रधानमन्त्री पुत्ला जलाउन गएका वैद्यका कार्यकर्ताको नाराबाजी

मोहन वैद्य 'किरण' नेतृत्वको क्रान्तिकारी कम्युनिष्ट पार्टीका कार्यकर्ता प्रधानमन्त्री पुष्पकमल दाहाल प्रचण्डको पुत्ला जलाएका छन् । 

बढ्दो मंहगी,भ्रष्टाचार र राष्ट्रघाती सन्धी सम्झाैताको विरोध भन्दै सो पार्टीका कार्यकर्ताले आज अपराह्न रत्नपार्कस्थित शान्तिवाटिकामा भेला भएर प्रधानमन्त्रीको पुत्ला दहनसहित विरोध कार्यक्रम गरेका हुन् । करिब तीन दर्जनको संख्यामा भेला भएका प्रदर्शनकारीहरुले सरकारविरुद्ध नारावाजीसमेत गरेका थिए । 

 तर, प्रहरीले उत्तिन्खेरै पुत्ला खोसेर निभाइदिएको थियो । प्रहरीले हस्तक्षेप गरि पुत्ला खोसेर निभाईदिएपछि नारावाजी गर्दै हिँडेका उनीहरुले इन्द्रचोक पुगेर कार्यक्रम समापन गरेका छन् । 

विरोध कार्यक्रममा सो पार्टीका बागमती प्रदेश संयाेजक चन्द्रदेव सुवेदी 'अटल', काठमाडौँ इञ्चार्ज सुरेश श्रेष्ठ, अखिल नेपाल महिला संघकी अध्यक्ष तथा ललितपुर इञ्चार्ज सारदा महत, पेसल दाहाललगायत सहभागी थिए ।