विश्व बैंक मातहतको आइडिए बैठकका लागि उच्च अधिकारीहरू आउनेक्रम जारी

इन्टरनेसनल डेभलपमेन्ट एसोसिएसनको थर्ड आइडिए २१ बैठकमा पर्सिदेखि काठमाडौंमा हुन लागेको छ । शुक्रबारसम्म हुने बैठकमा भाग लिन विश्व बैंकका अधिकारीहरु काठमाडौं आउने क्रम शुरु भएको छ ।

आज बिहान टर्किस एअरलाइन्सको उडान नम्बर टिके ७२६ मा विश्व बैंकका उपाध्यक्ष अकिहिको निशिओ इस्तानबुल हुँदै काठमाडौं आइपुगेका छन् ।

त्यस्तै हिजो राति ११ बजे क्याथे प्यासिफिकको उडानमा हङकङबाट विश्व बैंकका वित्त तथा आर्थिक व्यवस्थापक जोन डास्मासिङ सलोङसहित दुई जनाको टोली काठमाडौं आइपुगेको बताइएको छ । 

इन्टरनेसनल डेभलपमेन्ट एसोसिएसन विश्व बैंकको एउटा अभिन्न अंग हो । यसले अति न्यून आय भएका मुलुकलाई सहयोग गर्दै आएको छ ।