नुवाकोटमा यौन दुर्व्यवहार गर्ने बृध्द पक्राउ

यौन दुर्व्यवहार गरेको अभियोगमा नुवाकोटका एक जना बृध्द पक्राउ परेका छन् ।

सात वर्षीया बालिकालाई यौन दुर्व्यवहार गरेको अभियोगमा शिवपुरी गाउँपालिका–१,तलाखु खत्रीगाउँका ६० वर्षीय सिँहबहादुर तामाङलाई मंगलबार बिहान प्रहरीले समातेको हो ।

तामाङले बालिकालाई ललाई फकाई आफ्नो घरको चोटामा लगेर आइतबार यौन दुर्व्यवहार गरेको बताइएको छ ।

उता,इलामको सूर्योदय नगरपालिका–२, लालिखर्कका ४५ वर्षीय डिक बम्जनलाई धारिलो हतियार सिक्कल प्रहार गरी गम्भीर घाइते बनाएको अभियोगमा स्थानीय ३८ वर्षीय सुनिल गोलेलाई मंगलबार बिहान प्रहरीले पक्राउ गरेको छ ।

लालिखर्कबाट हिलेतर्फ जाने भित्री सडकमा सोलिङ गर्दा ढुङगा फुटाउने विषयलाई लिएर विवाद हुँदा गोलेले बम्जनलाई सिक्कलले प्रहार गर्दा उनी गम्भीर घाइते भएका थिए ।