भक्तपुरमा पनि मेलम्चीको पानी खस्यो

भक्तपुरबासीको घरको धारामा पनि मेलम्चीको पानी खसेको छ । आज दिउँसोदेखि भक्तपुर नगरपालिकामा मेलम्चीको पानी वितरण थालिएको हो ।हाललाई कटुञ्जेस्थित खानेपानी ट्याङ्कीबाट भक्तपुर नगरपालिकाको वडा नम्बर १, २, ३, ४ र ५ मा पानी वितरण गरिएको छ ।

नगरप्रमुख सुनिल प्रजापति र केयुकेएल भक्तपुरका निवर्तमान प्रमुख सुरेन्द्र हिमालय श्रेष्ठले संयुक्त रुपमा साँचो खोली पानी वितरण कार्यको प्रारम्भ गरेका हुन् । वर्षौदेखि खानेपानीको समस्या भोग्दै आएका खौमा, इटाछेँ, बोलाछेँ, टौमढीलगायतका स्थानीय दंग छन् ।