चालिसेमा ट्रकको ठक्करबाट पैदलयात्री बिते

धादिङको धुनिवेशी नगरपालिका–६ चालिसेमा गएराती ट्रकको ठक्करबाट पैदलयात्रीको ज्यान गएको छ । गोर्खाको गण्डकी गाँउपालिका-५ दरबुङ घर भएकी अन्दाजी ४४ बर्षीया राममाया विकको मृत्यु भएको हो ।

काठमाडौंबाट नारायणगढतर्फ जाँदै गरेको ना८ख ५१७३ नम्बरको ट्रकको ठक्करबाट हिजो राति साढे ९ बजे गम्भीर घाइते भएकी विकको उपचारको क्रममा ट्रमा सेन्टरमा राती साढे १० बजे मृत्यु भएको हो ।

ट्रकसहित चालकलाई नियन्त्रणमा लिई आवश्यक अनुसन्धान भैरहेको जिल्ला प्रहरी कार्यलय धादिङले जनाएको छ ।