राजधानीमा जताततै भन्सार नतिरिएको मोबाइल

राजधानी काठमाडौंमा भन्सार छलेर ल्याइएका मोबाइल सेट बिक्री गर्ने दुई जनालाई प्रहरीले पक्रेको छ । उनीहरुले राजधानीका विभिन्न स्थानमा त्यस्तो सेट बिक्री गरेको सूचनाको आधारमा आज बल्खुबाट नियन्त्रणमा लिइएको बताइएको छ ।

उनीहरुलाई एप्पल कम्पनीको आइफोन छ थानसहित समातिएको प्रहरीको भनाइ छ । भक्तपुरको सूर्यविनायकका २६ वर्षका सबिन छेंगुतला र स्याङ्जाका २२ वर्षे कृष्ण बहादुर थापा पक्राउ परेका हुन् ।

पक्राउ परेका दुबैलाई आवश्यक कारबाहीको निम्ति त्रिभुवन अन्तराष्ट्रिय विमानस्थल भन्सार कार्यालयमा बुझाइएको प्रहरीको उपत्यका अपराध अनुसन्धान कार्यालयले जनाएको छ ।