दुई मोटरसाइकल ठोक्कियो : पछाडि बस्ने बिते, चालक फरार

झापामा दुई वटा मोटरसाइकल आपसमा ठोक्किँदा एक जनाको ज्यान गएको छ । हल्दिबारी गाउँपालिका–२, रामलाल चोकमा भएको दुर्घटनामा एउटा मोटरसाइकलमा पछाडि बसेका व्यक्ति बितेका हुन् ।

हिजो साँझ मे.६ प ४१ ०३ र मे. ५ प २१ ६१ नम्बरको मोटरसाइकल एक आपसमा ठक्कर खाएको थियो । दुर्घटनामा गम्भीर घाइते भएका मे. ५ प २१ ६१ नम्बरको मोटरसाइकल पछाडि सवार स्थानीय २५ वर्षीय सुखलाल राजवंशीको उपचारको क्रममा भद्रपुरस्थित ओमसाई अस्पतालमा मृत्यु भएको प्रहरी चौकी हल्दीबारीले जनाएको छ ।

अर्का मोटरसाइकलका चालक फरार भएकाले खोजी गरिएको छ ।