सामाजिक सञ्जालमा महिलाको तस्बिर दुरुपयोग गर्ने युवक पक्राउ

सामाजिक सञ्जालमा महिलाको तस्बिर दुरुपयोग गरेको आरोपमा एक युवक पक्राउ परेका छन् । पक्राउ पर्नेमा तनहुँको शुक्लागण्डकी नगरपालिका–८ घर भएका २१ वर्षीय रविन्द्र भण्डारी हुन् ।

भण्डारीले महिलाको तस्बिर असम्बन्धित व्यक्तिहरूसँग जोडेर सामाजिक सञ्जालमा प्रकाशन तथा प्रशारण गरी चरित्रहत्या गर्ने, पीडित महिलालाई अनावश्यक दुःख दिने गरेको नेपाल प्रहरीको साइबर ब्यूरोको टोलीले गरेको अनुसन्धानबाट खुलेको छ ।

गत बिहीबार पक्राउ परेका भण्डारीलाई प्रहरीले नियन्त्रणमा लिएर विद्युतीय कारोवार ऐन, २०६३ अन्तर्गतको कसूरमा जिल्ला अदालत काठमाडौंबाट भोलिपल्ट छ दिनको म्याद थप गरी अनुसन्धान गरिरहेको बताइन्छ ।