एमाले सांसद तथा परिवार दलका अध्यक्ष फेरि उडे
हप्तामा दुई पटकसम्म विदेश आउजाउ गरिरहने एमाले सांसद तथा परिवार दलका अध्यक्ष एकनाथ ढकाल आज बैंकक उडेका छन् ।
दुई दिनअघि कोरियाबाट फर्किएका उनी आज दिउँसो थाइल्याण्डको राजधानी बैंकक गएका हुन् । थाईस्माइल एयरलाइन्सको उडान नम्बर डब्लुइ ३२० मा सांसद ढकाल दिउँसो साढे १ बजे त्रिभुवन अन्तर्राष्ट्रिय विमानस्थलबाट त्यसतर्फ गएको बताइएको छ ।
होलिवाइन उपनामलेसमेत प्रख्यात ढकाल परिवार दलका अध्यक्ष हुँदाहुँदै एमालेमा पोलिटब्यूरो सदस्यसमेत छन् । हङकङ, मलेसिया, कोरिया, अष्ट्रेलिया, फिलिपिन्सतिरको उनको आउजाउ पानीपँधेरो जस्तै भएको छ ।
गत मंगलबार हङकङ हुँदै सिओलबाट राति १० बजे स्वदेश फर्केर साढे १२ बजे सोही विमानमा उनी हङकङ हुँदै कोरिया गएका थिए । वैशाख महिनामा मात्रै उनी भारत, सिंगापुर, कोरिया, हङकङ गइसकेका छन् ।
टिप्पणीहरू