चितवनमा गैंडाले लियो थप एक जनाको ज्यान
गैंडाको आक्रमणबाट चितवनमा आज एक जनाको ज्यान गएको छ । पश्चिम चितवनमा भएको आक्रमणमा अर्का एक जना घाइते भएका छन् ।
भरतपुर महानगरपालिका–१७ नारायणचोकका ६० वर्षीय झलकराज पौडेल गैंडाको आक्रमणपछि गम्भीर घाइते भएका उनको अस्पतालमा उपचारको क्रममा मृत्यु भएको हो । जिल्ला प्रहरी कार्यालयका अनुसार पौडेलमाथि बिहान ११ बजेको समयमा गैँडाले घर नजिकै आक्रमण गरेको हो ।
पौडेलपछि गैंडाले टंकनाथ रेग्मीमाथि आक्रमण गरेको बताइन्छ । उनी उपचारपछि घर फर्केका छन् । चितवनमा बाघ र गैंडाको आक्रमण बढेको छ । गत साउनदेखि यता गैंडाको आक्रमणमा आधा दर्जन मानिसको ज्यान गइसकेको छ ।
ट्रेन्डिङ पोस्ट
टिप्पणीहरू