श्रीलंका गएका पाकिस्तानी राजदूत किन नेपाल आउन दुबई पुगे ?

नेपालका लागि पाकिस्तानी राजदूत अब्रार एच हास्मी गएराति काठमाडौं आएका छन् । उनी संयुक्त अरब इमिरेट्सको दुबईबाट हिजो राति साढे १२ बजे आइपुगेको बताइएको छ । 

राजदूत गत जेठ ३१ गते श्रीलंकाको राजधानी कोलम्बो गएको र १८ दिनपछि नेपाल फर्केको बुझिन्छ । 

राजदूतलाई स्वागत गर्न राति विमानस्थलमा दूतावासको तर्फबाट डिसिएम उमैर अलीलगायत पाँच जनाको टोली पुगेको थियो । टोलीमा चान्सरी प्रमुख मोहम्मद जाखिर खाँन,प्रोटोकोल असिस्टेन्टहरु जुल्फिकर अली फाजाल,फुर्कान हसन र स्थानीय कर्मचारी प्रभाकर दाहाल गएका थिए ।