चितवनमा मोटरसाइकल दुर्घटना, दुईको निधन

चितवनको भरतपुरमा मोटरसाइकलको ठक्करबाट एक पैदलयात्रीको ज्यान गएको छ । भरतपुर महानगरपालिका वडा नम्बर १८, गुञ्जननगर टोलमा मोटरसाइकलको ठक्करबाट ३५ वर्षीया सरस्वती गुरुङ्गको मृत्यु भएको हो । 

भीमनगरबाट वडा कार्यालयतर्फ जाँदै गरेको ना.५१ प ६४९२ नम्बरको मोटरसाइकलको ठक्करबाट गम्भीर घाइते भएकी उनलाई तुरुन्तै पुरानो मेडिकल कलेज पुर्याइएको थियो । त्यसको केही बेरमै चिकित्सकले उनलाई मृत घोषित गरेका हुन् ।

। त्यस्तै, मोटरसाइकल चालक आइतसिंह घर्ती र पछाडि सवार उनकी श्रीमती सुशिला घर्ती पनि घाइते भएका छन् । उनीहरुको पनि सोही अस्पतालमा उपचार भइरहेको छ । 

यता, भरतपुर महानगरपालिका वडा नम्बर २८, अन्दौलीमा बा.प्र–०६–०१प ३४७६ नम्बरको मोटरसाइकल दुर्घटनामा परेको छ । मोटरसाइकलको पछाडि सवार ४८ वर्षीय रणबहादुर बानियाँको मृत्यु भएको छ । चालक २७ वर्षीय राजन मल्लको भरतपुरको अस्पतालमा उपचार भइरहेको जानकारी दिइएको छ ।