जसपाले बोलायो केन्द्रीय कार्यकारिणी समिति बैठक

जनता समाजवादी पार्टी (जसपा) को केन्द्रीय कार्यकारिणी समितिको बैठक भोलि डाकिएको छ । ललितपुरको बालकुमारीस्थित पार्टी केन्द्रीय कार्यालयमा बिहान ११ बजेका लागि बैठक राखिएको जनाइएको छ ।

बैठकमा आउँदो माघमा हुने राष्ट्रिय सभाको निर्वाचनलगायत समसामयिक राजनीतिक विषयमा छलफल गरिने जनाइएको छ । त्यस्तै, पार्टीले सञ्चालन गरेको प्रदेशस्तरीय प्रशिक्षक प्रशिक्षण, तीन महिने पार्टी विस्तार तथा सुदृढीकरण अभियानको समीक्षा गर्न लागेको हो ।