सरकारबारे सत्ता गठबन्धनलाई उपेन्द्र यादवका ५३ सुझाव

सत्तारुढ गठबन्धनकै नेताहरु सरकारको कामबाट सन्तुष्ट नरहेको बेला जनता समाजवादी पार्टी (जसपा) का अध्यक्ष उपेन्द्र यादवले सरकारसमक्ष ५३ बुँदे सुझाव पेश गरेका छन् । 

सरकारका तर्फबाट गर्नुपर्ने सुधारका कामसम्बन्धी सुझाव तयार गर्ने गठबन्धनमा जिम्मेवारी पाएका यादवले ५३ बुँदामा सुझावहरु एकीकृत गरेर प्रस्ताव प्रस्तुत गरेका हुन् । प्रधानमन्त्रीसहितको चारदलीय गठबन्धन बैठकले उनलाई सो जिम्मेवारी सुम्पिएको थियो । 

सरकारले आफ्नो कार्यशैलीमा सुधार गरेर जनतालाई परिवर्तनको प्रत्याभूति दिलाउन शिक्षा, स्वास्थ्य, कृषि, उद्योग, यातायात, संचार लगायतका क्षेत्रमा व्यापक सुधार गरी विकास निर्माणका कार्यलाई गति दिन र मुलुकमा सुशासन कायम गर्दै संविधान संशोधनसहित संघीयताको प्रभावकारी कार्यान्वयन लगायतका सम्बन्धमा सत्ता गठबन्धनको बैठकमा यादवले सुझावसहित ५३ बूँदे प्रस्ताव पेश गरेका हुन् ।

अध्यक्ष यादवले पेश गरेका सुझावसम्बन्धी प्रस्तावमा संघीयता कार्यान्वयन, संविधान संशोधन, सामाजिक न्यायको हक, निर्वाचन क्षेत्र निर्धारण, शिक्षा, स्वास्थ्य, कृषि, उद्योगलगायत विषय समेटिएका छन् ।