आइपुग्यो चिनियाँ टोली,होटल मेरियटमा बास
चिनियाँ कम्युनिष्ट पार्टीको उच्चस्तरीय प्रतिनिधिमण्डल नेपाल आएको छ । क्वाङ्तोङ प्रान्तीय कमिटीको स्थायी समिति सदस्य वाङ रुइचिउन नेतृत्वमा टोली श्रीलंकाको राजधानी कोलम्बो हुँदै काठमाडौं आइपुगेको हो ।
क्वाङतोङ वैदेशिक मैत्री संघका सभापतिको समेत जिम्मेवारीमा रहेका वाङ रुइचिउनको नेतृत्वमा छ सदस्यीय टोली काठमाडौं आइपुगेको हो । श्रीलंकन एअरलाइन्सको उडान नम्बर युएल १८१ मा साढे १२ बजे काठमाडौं आइपुग्ने उक्त टोली फ्लाइट डिलेका कारण ३ बजे त्रिभुवन अन्तर्राष्ट्रिय विमानस्थलमा अवतरण गरेको थियो ।
टोलीमा यिन सुन,चाङ ख,लुओ लोङ,चाङ वेई र फु युनछेङ छन् । टोलीलाई नक्साल नागपोखरीस्थित होटल मेरियटमा बस्ने व्यवस्था मिलाइएको छ ।
ट्रेन्डिङ पोस्ट
टिप्पणीहरू