एक दर्जनको संख्यामा भेला भएका राप्रपा कार्यकर्ताको सामाखुसीमा र्याली
संस्कृति, पर्यटन तथा नागरिक उड्डयनमन्त्री सुदन किरातीको राजीनामा माग्दै राष्ट्रिय प्रजातन्त्र पार्टी (राप्रपा)का युवाहरुले काठमाडौँमा प्रदर्शन गरेका छन् ।
आज साँझ करिब एक दर्जनको संख्यामा भेला भएका राप्रपाका युवाहरुले सामाखुसीदेखि गोङ्गबुसम्म र्यालीसहित विरोध प्रदर्शन गरेका हुन् । सो दल निकट युवक संगठनका पूर्वअध्यक्ष फणिराज लोहनी (राजु) को नेतृत्वमा निस्किएको र्यालीका सहभागीहरुले राजनीतिक व्यवस्था र मन्त्री किरातीविरुद्ध चर्को नाराबाजी गरे ।
उनीहरुले 'हिन्दु राज्य कायम गर', 'नालायक मन्त्री राजीनामा दे', 'गणतन्त्र खारेज गर', जस्ता नारा लगाएका थिए । र्याली सामाखुसीबाट सुरु भई गोङ्गबु चोकमा पुगेर सकिएको थियो ।
टिप्पणीहरू