एमाले नेताहरु धनगढी हुँदै दार्चुला प्रस्थान

एमाले दार्चुलाको अधिवेशनमा सहभागी हुन एमाले वरिष्ठ उपाध्यक्ष ईश्वर पोखरेल नेतृत्वको टोली धनगढी हुँदै त्यसतर्फ गएको छ । काठमाडौंबाट बुद्ध एअरको उडानमा मध्यान्ह धनगढी पुगेको टोलीमा सचिव तथा सुदूरपश्चिम इञ्चार्ज छबिलाल विश्वकर्मा पनि रहेको बताइएको छ ।

धनगढीबाट एमाले नेताहरुको टोली बाग्मती प्रदेश ०३–००१ च ०५८६ र बाग्मती प्रदेश ०१ ०२७ च १९८२ मा दार्चुलातर्फ गएका हुन् । नेकपा एमाले दार्चुलाको नवौं जिल्ला अधिवेशन भोलि र पर्सि सदरमुकाम खलंगामा हुँदैछ ।   

बुद्ध एअरको सोही उडानमा अख्तियार दुरुपयोग अनुसन्धान आयोगका आयुक्त डा.हरि पौडेल पनि धनगढी गएका थिए । उनी स्थलमार्ग हुँदै त्यहाँबाट महेन्द्रनगर पुगेका छन् ।