अफ्रिका गएको प्रधानमन्त्री टोली स्वदेश आइपुग्यो

प्रधानमन्त्री पुष्पकमल दाहाल ‘प्रचण्ड’ युगाण्डाबाट स्वदेश फर्कनुभएको छ । असंलग्न राष्ट्रहरूको आन्दोलन (नाम) को १९ औं शिखर सम्मेलनमा सहभागी हुन नेपाली प्रतिनिधिमण्डलको नेतृत्व गरेर उहाँ गत बिहीबार त्यता जानुभएको थियो ।

युगाण्डाको राजधानी कम्पालाबाट कतारको दोहा हुँदै प्रधानमन्त्री नेतृत्वको टोली कतार एअरवेजको उडानमा स्वदेश आइपुगेको हो । टोलीमा परराष्ट्रमन्त्री एनपी साउदलगायत छन् ।