एमाले उपाध्यक्षद्वारा जनयुद्ध दिवसको शुभकामना

नेकपा एमालेका उपाध्यक्ष रामबहादुर थापा बादलले जनयुध्द दिवसको शुभकामना दिएका छन् । 

पार्टी अध्यक्ष केपी शर्मा ओलीले जनयुद्धलाई हिंसात्मक युद्ध भनेर आलोचना गरिरहेका बेला पूर्वमाओवादी नेतासमेत रहेका उनले फेसबुकबाट शुभकामना भनेका हुन् । बादलले फेसबुकमा लेखेका छन्, '२९औँ जनयुद्ध दिवसको उपलक्ष्यमा सबैमा हार्दिक शुभकामना व्यक्त गर्दछु ।'

जनयुध्दका बेपत्ता तथा घाइते योद्धाहरूको योगदानको स्मरण गर्दै उनीहरुप्रति आफ्नो उच्च सम्मान रहेको पनि उनले उल्लेख गरेका छन् ।

'जनयुद्ध, जनआन्दोलनलगायतका आन्दोलनको क्रममा देश र जनताको मुक्तिकाे लागि आफ्नाे प्राणकाे आहुति दिनुहुने महान सहिदहरुकाे स्मरण गर्दै उहाँहरुप्रति भावपूर्ण श्रद्धाञ्जली व्यक्त गर्दछु ', उनले भनेका छन्, 'बेपत्ता तथा घाइते  योद्धाहरूको योगदानको स्मरणगर्दै उहाँहरुप्रति उच्च सम्मान ब्यक्त गर्दछु । साथै सहिद, बेपत्ता तथा घाइतेका परिवारकाे याेगदानकाे उच्च कदर गर्न चाहन्छु ।'