सरकारी साधनमा मन्त्रीका पिएको संगठन विस्तार सरर

गण्डकी प्रदेशको भौतिक पूर्वाधार विकास तथा यातायात व्यवस्थामन्त्री रेशमबहादुर जुग्जालीका स्वकीय सचिव सुदिन पौडेलले सरकारी साधन दुरुपयोग गरेको पाइएको छ । नेकपा माओवादी केन्द्रनिकट विद्यार्थी संगठन अखिल (क्रान्तिकारी) गण्डकी प्रदेशका अध्यक्ष उनी सरकारी मोटरसाइकल लिएर ‘संगठन विस्तार तथा सुदृढीकरण अभियान’ मा सहभागी हुन गएका छन् । 

पौडेल सो मोटरसाइकल लिएर केही दिनअघि म्याग्दी मालिका गाउँपालिकाको देवीस्थानस्थित श्री भीम माध्यमिक विद्यालय पुगेका छन् । कार्यालयको नियमित प्रयोजनका लागि दिइएको सवारी मनपरी रुपमा प्रयोग गरेपछि चर्को आलोचना भएको छ । सामाजिक सञ्जालमा पनि उनको विरोध भइरहेको छ । 

अर्काेले भनेका छन्,‘यस्तोचाँहि गर्नुभएन है दोस्तहरु । सरकारी नुनपानीको इज्जत राख्दिन परो !’

एक जना सामाजिक सञ्जाल प्रयोगकर्ताले लेखेका छन्,‘अखिल क्रान्तिकारी म्याग्दी संगठन विस्तार अभियान लिएर विभिन्न विद्यालयमा पुगेछ । यस कार्यलाई साथ समर्थन दिएकोमा गण्डकी प्रदेश सरकारलाई धन्यवाद । प्रदेश कार्यालयको बाइक नै लिएर नडुलेको भए हुने सुदिन कमरेड, गण्डकी प्रदेशका भौतिक तथा पूर्वाधारमन्त्री माननीय रेशम जुग्जालीका स्वकीय सचिव सुदिन पौडेल ।’

त्यस्तै,अर्काेले भनेका छन्,‘यस्तोचाँहि गर्नुभएन है दोस्तहरु । सरकारी नुनपानीको इज्जत राख्दिन परो !’ कतिपयले पौडेलको यस कार्यलाई ‘सत्ताको फाइदा’ भन्दै टिप्पणी गरेका छन् । यता, उनले भने आफूमाथि लगाएको आरोप राजनीतिक प्रतिशोध भएको दाबी गरेका छन् । एमालेका विद्यार्थी संगठनले आफ्नो छविमा दाग लगाउन खोजेको उनको भनाइ छ ।

धौलागिरी गाउँपालिकाको बाटो उद्घाटन कार्यक्रममा सहभागी हुँदा विद्यालयमा पनि छिरेको उनको भनाइ छ । ‘माघ २७ गते धौलागिरी गाउँपालिकामा बाटो उद्घाटनको कार्यक्रम थियो । मन्त्रीज्यू पनि सहभागी हुने तय भएको थियो । तर, उहाँ बिरामी हुनुभयो । म उहाँको स्वकीय सचिवसँगै विद्यार्थी संगठनको एउटा जिम्मेवार पदाधिकारी हुँ । मलाई पनि अतिथिको रुपमा बोलाउनुभएको थियो । म आफ्नो बाइक गाउँपालिकामा राखेर विद्यालयमा गएको थिएँ ।’

मालिका र धौलागिरी भिन्नभिन्न गाउँपालिका हुन् । धौलागिरीमा मोटरसाइकल राखेर मालिकासम्म पुगेँ भन्ने उनको भनाइ पत्याउन अलिक गाह्रो छ । उनको मोटरसाइकल विद्यालयको गेटबाहिरै भेटिएको स्रोतको दाबी छ । ‘डेढ–दुई महिनादेखि उहाँहरुको पार्टी विस्तार अभियान चलिरहेको छ । सो क्रममा उहाँ बाइक नै लिएर विद्यालय पुग्नुभएको हो । विद्यालयकै बाहिरबाट उहाँको बाइकको फोटो खिचिएको हो । उहाँले विद्यार्थीहरुसँग उभिएर तस्बिर पनि खिचाउनुभएको छ’, स्रोतले भन्यो ।