नयाँ सरकारको पहिलो क्याबिनेट बैठक, कीर्तिपुरमा सुविधा सम्पन्न रंगशाला

नयाँ सरकारको पहिलो मन्त्रिपरिषद् बैठक बसेको छ । प्रधानमन्त्री केपी शर्मा ओली र मन्त्रीहरुले बिहान शपथ ग्रहण र दिउँसो पदभार सम्हालेपछि सिंहदरबारमा बैठक डाकिएको हो ।

प्रधानमन्त्री केपी शर्मा ओलीको अध्यक्षतामा बसेको बैठकमा मनसुनसँगै देशभर विपद्का घटनाहरु बढेकाले त्यसबाट हुनसक्ने क्षतिलाई न्यूनीकरणका लागि आवश्यक तयारी, उद्धार तथा राहतमा सक्रिय बन्न मन्त्रीहरुलाई विशेष निर्देशन दिइएको छ । त्यस्तै यो वर्षभित्र कीर्तिपुर क्रिकेट मैदानलाई सुविधासम्पन्न रंगशाला बनाउने पहिलो निर्णय पनि गरेको बताइन्छ । दर्शकका लागि प्याराफिट, रात्रिकालीन खेलको लागि फ्लडलाइट र आवश्यक अन्य संरचना बनाउने निर्णय गरेको हो ।