माओवादी नेताहरुको पेरिस डाँडामा धारणा राख्ने क्रम जारी

नेकपा माओवादी केन्द्रको हिजोदेखि शुरु भएको स्थायी कमिटीको दोस्रो दिनको बैठक बिहान ११ बजे बस्दैछ । पार्टी मुख्यालय पेरिसडाँडामा राखिएको बैठकमा आज पनि नेताहरुले धारणा राख्ने बताइएको छ ।

हिजो धारणा राखेका १४ जना नेता अधिकांशले शान्ति प्रक्रियापछि पार्टी सत्ताकेन्द्रित भएकाले अब पार्टी पुनर्जागरण गर्नुपर्नेमा जोड दिएका थिए । उनीहरुले नेतृत्व प्रणाली, विचार र संगठन संरचनामा परिवर्तन गर्नुपर्ने विचार राखेका हुन् 

४७ सदस्यीय स्थायी कमिटी सदस्यमध्ये बाँकी सदस्यले आज र भोलिको बैठकमा धारणा राख्दैछन् । त्यसपछि अध्यक्ष पुष्पकमल दाहाल प्रचण्डले जवाफसहित आफ्नो धारणा राख्ने बताइएको छ ।