माओवादी र रास्वपाका नेताहरु बैठकमा व्यस्त

नेकपा माओवादी केन्द्रको पदाधिकारी बैठक बसेको छ । बैठक पार्टी अध्यक्ष पुष्पकमल दाहाल प्रचण्डको अध्यक्षतामा कोटेश्वर, पेरिसडाँडास्थित पार्टी मुख्यालयमा बिहान साढे ८ बजेदेखि बसिरहेको छ । 

उता राष्ट्रिय स्वतन्त्र पार्टीको केन्द्रीय समिति बैठक पनि बसेको छ । बिहान ८ बजे डाकिएको बैठकमा विभिन्न १० एजेण्डा राखिएको बताइएको छ । बैठकमा समसामयिक राजनीतिबारे पनि छलफल गरिँदै छ ।

त्यसैगरी पार्टी अनुशासन आयोगले बुझाएको प्रतिवेदनमाथि पनि आजैको बैठकमा छलफल हुने एक जना सदस्यले बताए ।