प्रधानमन्त्रीसँग सांसदहरुको प्रश्नोत्तर, तोसिमा कार्कीको ध्यानाकर्षण

प्रतिनिधिसभाको आजको बैठकमा प्रधानमन्त्री केपी शर्मा ओलीसँग सांसदहरुको प्रत्यक्ष प्रश्नोत्तर गर्ने सम्भावित कार्यसूची छ । दिउँसो १ बजे संघीय संसद् भवन नयाँ बानेश्वरमा बस्ने बैठकमा प्रधानमन्त्रीले सांसदहरुको जवाफ दिनुहुनेछ । 

आजको बैठकमा सभामुख देवराज घिमिरेले प्रतिनिधिसभाका विषयगत समितिहरुमा माननीय सदस्यहरुको नाम हेरफेर भएकोबारे जानकारी गराउने कार्यसूची छ । 

सांसद तोसिमा कार्कीले हैजा महामारीबाट निम्तिनसक्ने स्वास्थ्य संकटकालको पूर्वानुमान, नियन्त्रण र द्रुत प्रतिकार्यलाई प्रभावकारी बनाउनुपर्ने सम्बन्धमा सार्वजनिक महत्वको विषयमाथि स्वास्थ्य तथा जनसंख्या मन्त्रीको ध्यानाकर्षण गराउँदैछिन् ।