राष्ट्रपति पौडेल भक्तपुर दरबार स्क्वायर अवलोकनमा

राष्ट्रपति रामचन्द्र पौडेल भक्तपुर दरबार स्क्वायर पुग्नुभएको छ । सो अवसरमा राष्ट्रपति पौडेलले सर्वसाधरणसँग संवाद गर्नुभएको छ । सम्वादमा सहभागी सर्वसाधारणले आम नागरिकको ठूलो बलिदानीबाट प्राप्त गणतन्त्रको प्रतिफल नागरिकसम्म पुर्याउन अभिभावकका हैसियतले भूमिका निर्वाह गर्न आग्रह गरेका छन् ।

राष्ट्रपति पौडेलले त्यसतर्फ आफूले शासन सञ्चालन गर्ने नेताहरूको ध्यानाकर्षण गराउने बताउनुभएको छ । उहाँले दरबार स्क्वायर क्षेत्रका तलेजु भवानीे, भैरवनाथ मन्दिर र राष्ट्रिय कला संग्राहलयको समेत निरीक्षण गर्नुभएको थियो ।

उहाँ ‘सार्वजानिक स्थलमा राष्ट्रपति’ कार्यक्रमअन्तर्गत आज त्यहाँ जानुभएको बताइएको छ ।