धरानको शुद्धिकरणको माग गर्दै काठमाडौंमा प्रदर्शन हुने

वीपी कोइराला स्वास्थ्य विज्ञान प्रतिष्ठान शुद्धिकरण अभियान २०७८ ले आज काठमाडौंको भद्रकालीमा बिरोध प्रदर्शन गर्ने भएको छ । शिक्षा र स्वास्थ्य क्षेत्रमा भएको चरम राजनितीकरण र भ्रष्टाचारविरुद्ध आज दिउँसो ४ बजे बिरोध प्रदर्शन हुन लागेको हो ।

लोकतन्त्र कि लुटतन्त्र भन्दै अभियानले तयार पारेको प्लेकार्डमा ‘शिक्षा र स्वास्थ्य क्षेत्रमा भएको चरम राजनीतिकरण अन्त्य गर्ने आन्दोलनमा मेरो पनि समर्थन छ’ भन्ने नारा उल्लेख गरिने बताइएको छ ।

त्यसैगरी सहभागीहरुले आजबाट हरेक दिन साँझ ४ बजे म माइतीघर मण्डलामा जाँदैछु, तपाईंहरु पनि आउनुहोस् है भन्ने नारा समेत तय गरेका छन् उनीहरुले वीपी कोइराला स्वास्थ्य विज्ञान प्रतिष्ठान जोगाउँ भन्दै शुद्धिकरण अभियान सञ्चालन गरेको बताइएको छ ।