अमेरिकी राजदूत कुकुर तिहार मनाउन पाउँदा दङ्ग

अमेरिकी राजदूत र्‍यान्डी बेरीले पनि आज कुकुर तिहार मनाएका छन् । आफ्नो निवासमा पालिएको कुकुरको पूजा गरेर कुकुर तिहार मनाइएको तस्विर राजदूतले सामाजिक सञ्जालमा पोष्ट गरेका छन् ।

बेरीले आफ्नो कुकुरलाई माया गरिएको तस्बिर सामाजिक सञ्जालमा पोस्ट गर्दै भनेका छन्,‘तिहारको आजको दिनले आफ्ना घरपालुवा जनावरलाई माया गर्नुपर्ने सन्देश दिएको छ ।’

राजदूतले सँगसँगै सबैलाई तिहारको शुभकामना पनि दिएका छन् । सन्देशमा भनिएको छ, ‘तपाईंहरु सबैको तिहार झिलिमिली,रमाइलो र खुशियालीले भरियोस् ।’