राजधानीमै काफलको रुखमा पुरुष झुण्डिए

भक्तपुरमा एक जना पुरुष मृत अवस्थामा फेला परेका छन् । आज बिहान ९ बजेको समयमा सूर्यविनायक नगरपालिका ८ मा अन्दाजी ३० वर्षका पुरुष काफलको रुखमा झुण्डिएको अवस्थामा फेला परेका हुन् ।

उनले आत्महत्या गरेको हुन सक्ने महानगरीय प्रहरी परिसर भक्तपुरका सूचना अधिकृत राजु पाण्डेले जानकारी दिनुभएको छ । उहाँका अनुसार, अन्दाजी ३० देखि ३५ वर्षको पुरुष काफलको रुखमा नाइलनको डोरीको पासो लगाई झुण्डिएका हुन् ।

प्रहरीले घटनास्थलको मुचुल्का उठाउने र आवश्यक अनुसन्धानको प्रक्रिया थालेको जानकारी दिएको छ ।