दुध बोकेको ट्याङ्करको ठक्करबाट स्कुटर चालक बिते

आज दिउँसो भक्तपुरमा दुध बोकेको ट्याङ्करको ठक्करबाट एक जना स्कुटर चालकको निधन भएको छ । भक्तपुरबाट काठमाडौं गइरहेको दुधको ट्याङ्करले लोकन्थलीको आकाशे पुलमुनि स्कुटरलाई ठक्कर दिएको हो ।

बागमती प्रदेश ०१–००४ क ०५८० नम्बरको दुध बोकेको ट्याङ्करले सोही दिशाबाट काठमाडौतर्फ आइरहेको बागमती प्रदेश ०२–०२५ प १६२० नम्बरको स्कुटरका चालकको मृत्यु भएको हो ।

मृत्यु हुनेमा बनेपा नगरपालिका ५ काभ्रे निवासी ४५ वर्षका नहकुल थापा हुन् । उनको स्थानीय नागरिक अस्पताल गठ्ठाघरमा उपचारको क्रममा मृत्यु भएको हो ।