चीनले नेपाली सिमाना मिचेको भन्दै सानो टोली सिंहदरवारमा

प्रायः चीनले नेपालको सिमाना मिचेको आरोप लगाउँदै आएको राष्ट्रिय एकता अभियानले आज पनि सोही आरोप दोहोर्याएको छ । भूमि व्यवस्था,सहकारी तथा गरिवी निवारणमन्त्री शशी श्रेष्ठलाई ज्ञापन पत्र बुझाउँदै अभियानले पुरानो आरोप लगाएको हो ।

अभियानका केन्द्रीय अध्यक्ष विनय यादवको टोलीले दिउँसो मन्त्रालय पुगेर मन्त्रीलाई उक्त ज्ञापनपत्र बुझाएको थियो । अभियानले गोरखाको चुमनुब्री गाउँपालिका १ को रुइला नाकामा नेपाली भूमि मिचिएको उल्लेख गरेको छ ।

उसले गत वर्ष हुम्लामा पनि चीनले सीमा मिचेको आरोप लगाएको थियो । तर पछि उक्त क्षेत्रमा नेपाली भूमि नमिचिएको सरकारी टोलीले नै ठहर गरेपछि यादवको अभियानमा ब्रेक लागेको थियो ।