कालो झोलामा स्रोत नखुलेको साढे २४ लाख फेला

रुपन्देहीमा स्रोत नखुलेको ठूलो रकमसहित एक युवक समातिएका छन् । बुटवल उपमहानगरपालिका–८, सुख्खानगरका २८ वर्षीय सन्दिप शाक्यलाई अवैध नगदसहित पक्राउ गरिएको जिल्ला प्रहरी कार्यालय, रुपन्देहीका प्रवक्ता डीएसपी श्याम अर्यालले जानकारी दिए ।

उनका अनुसार रुपन्देहीको सिद्धार्थनगर नगरपालिका–१, बाइपासबाट कालो रङ्गको झोलामा लुकाइ राखेको २४ लाख ५० हजार रुपैयाँ फेला परेपछि शाक्यलाई पक्राउ गरिएको हो ।

शाक्यलाई नियन्त्रणमा लिएर आवश्यक कारबाहीका निम्ति आज भैरहवा भन्सार कार्यालय बेलहिया रुपन्देहीमा पठाइएको प्रहरीले बताएको छ ।