इटलीले जितायो नेपाललाई

यता, आफ्नो जमानत रकम जफत भएपछि सिएमसीले उक्त रकम फिर्ता हुनुपर्ने माग गर्दै एउटा अदालतमा इन्भेष्टमेन्ट बैंक, तनहुँ हाइड्रोका साथै इटालीस्थित इन्टेसा सानपाउलो बैंकबिरुद्ध मुद्दा हालेको थियो ।

मुद्दा परेको कारण देखाउँदै इन्टेसा बैंकले नेपाल इन्भेष्टमेन्ट बैंकले तनहुँ हाइड्रोपावरलाई भुक्तानी गरेको ग्यारेण्टी रकम फिर्ता गरेन । इन्टेसाले सिएमसीको तर्फबाट ८५ करोड १४ लाख १६ हजार रूपैयाँ र ८७ लाख ४९ हजार युरोको ग्यारेन्टी दिएको थियो ।

अदालतले प्रारम्भिक इजलासमा हराइदिएपछि एकतर्फी सुनुवाईमा निर्णय गरिएको भन्दै इन्भेष्टमेन्ट बैंकले अदालतमा पुनरावेदन गरेको थियो । आज तीनजना न्यायाधीशको संयुक्त इजलासले बैंकको पक्षमा फैसला गर्दै उक्त रकम इन्भेष्टमेण्ट बैंकलाई फिर्ता गर्न इन्टेसा सानपाउलो बैंकलाई आदेश दिएको हो ।